Lur Gallastegi (Bilbo, 1983)
Lur Gallastegi
Lur Gallastegi (Bilbo, 1983) idazlea eta irakaslea da. Bilbon jaio zen, Gasteizen ikasi zuen eta Donostian bizi da egun. Horrek eragin nabarmena du bere lanetan.
Hainbat lan argitaratu ditu, hala nola Uda bat Senegalen (Elkar, 2016), Limoiondoaren loreak (Elkar, 2017), Saharako itsasoa (Elkar, 2018), Mikel Zarate saria jaso zuena, Etxetxorotarrak (Elkar, 2019), Azken dantza New Yorken (Elkar, 2020), Itsas azpiko misterioa (Ibaizabal, 2020), Gau Beltza eta ahanzturaren pasabidea (Begiko, 2020), Kakao zaporeko gauak (Alai, 2024) eta Zurriola Beach Hostel (Elkar, 2025).
Azken urteetan, EITBren Go!azen telesailaren liburuak ere idatzi ditu.
Nerea Ibarzabal (Markina-Xemein, 1994)
Nerea Ibarzabal
Nerea Ibarzabal (Markina-Xemein, 1994). Ikasketaz kazetaria, eta jardunez bertsolaria eta idazlea da. Gidoilari eta prentsako kolaboratzaile lanetan ere aritua.
Hamaika urterekin hasi zen bertso eskolan, eta gazteentzako txapelketa eta sariketetan ibilbidea egin zuen. Egungo Bizkaiko txapelduna da, eta 2022ko Bertsolari Txapelketa Nagusiko finalista. Txakur Gorria sormen kolektiboko kide izan da hainbat urtez
2022an argitaratu zuen Bar Gloria (Susa), bere lehenengo eleberria. Haur eta gazte literaturan Jakelinen egunerokoa idatzi du (Ikas Elkar, 2023).
Formol Laborategia 2019an
Formol Laborategia
Formol Laborategia 2019an eratu zen Intza Alkain, Edurne Azkarate eta Mikel Ibargurenen eskutik.
Taldea egungo euskal eszena garaikidean parte hartzeko jaio zen. Hala izanik, ondorengoak dira konpainiaren zehar lerroak:
⮚ Euskal kulturgintzarekiko dugun erantzukizunari heltzea, gure alea jarriz, euskarazko sorkuntzak plazaratuz.
⮚ Gure antzerkiaren jarraikortasuna bermatzea.
⮚ Sortzaileen arteko saretzea sustatzea, elkarlanak abiatzea eta elkarren arteko harremanak sendotzea. Komunitatean jardutea.
Allison Saft
Allison Saft
Allison Saft New York Timeseko best seller egilea da. Bere lanen artean, Una magia salvaje (2023), Un encantamiento frágil (2024) eta Una marea óscura y letal (2025) nabarmentzen dira.
Tulaneko Unibertsitatean Ingeles Literaturako master bat egin ondoren, Estatu Batuetako hegoaldea atzean utzi eta ekialdeko kostaldera joan zen bizitzera. Han, patinetan ibiltzen eta bere trebetasun akrobatikoak hobetzen pasatzen du denbora.
Joana Marcúsek (Mallorca, 2000)
Joana Marcúsek
Joana Marcúsek (Mallorca, 2000) hamahiru urte besterik ez zituela argitaratu zuen bere lehen eleberria Wattpad-en (nazioarteko proiekzioa duen irakurketa- eta idazketa-plataforma digitala, non milioi bat jarraitzaile baino gehiago dituen). Plataforma horretan munduko top 10ean dagoen espainiar idazle bakarra da.
Milioi bat ale baino gehiago saldu ditu, oso ezaguna da sare sozialetan, eta Madrilen sinatzen aritu zen batean, Gran Vía kolapsatu zuen. Fuego (2022) trilogia argitaratu ondoren, Montenarekin Meses a tu lado argitaratu zuen, lau eleberriz osatutako gazteentzako eleberri erromantikoko saga bat, eta milioi bat ale baino gehiago saldu ditu mundu osoan. Diario de Mallorca Cultura 2023 saria irabazi du. 2024ko urrian, thriller erromantiko bat argitaratu zuen: Etéreo.
Bruno Puelles
Bruno Puelles
Bruno Puelles errealitatearen eta fikzioaren artean bizi da, hiru urterekin poltsikoan jirafa bat aurkitu zuenetik. Bere buruan, behinik behin, pailazo ekilibrista, etxeko lehoia eta dantzaria izan da. Helduaroan, bizitza konbentzionalago batera egokitu da, baina istorioak irakurtzen, bidaiatzen eta imajinatzen jarraitzen du
Kelvin 505 saria irabazi zuen 2023an, La ciudad de los mil ojos eleberriarekin, eta Minotauro Sariaren finalista bikoitza izan zen 2020an eta 2022an. Argitaratutako azken eleberrien artean daude Lo frágil y lo eterno (2024), Las tres despedidas de Georg Kahn (2023) eta La ciudad de los mil ojos (2022). Otsailean argitaratu berri du Los secretos del hotel Jardín de Odette Puck argitaletxearekin.
Lidia Ciprés (Bartzelonako) 1993an
Lidia Ciprés
Lidia Ciprés Bartzelonako Hospitaleten jaio zen 1993an, eta harrezkero amets egiten eta irakurtzen ari da. Laster ohartu zen bere grina nagusia istorioak kontatzea zela, eta, beraz, istorioak paperean irudikatzen hastea erabaki zuen.
2018an autoeditatu zuen lehen liburua, Auras Negras, eta urtebete geroago, 2019an, Enártika, el Reino de la Sombra. Bi liburuek arrakasta handia izan zuten sare sozialetan eta Amazonen. Sudurra libururen batean sartuta ez dabilenean edo ordenagailuaren teklak astintzen ari ez denean, bere katuak laztantzea maite du. Haiek uzten badiote, noski. 2022an, Minotauro argitaletxearekin El torneo de las especies izeneko fantasiazko eleberria argitaratu zuen.
Alice Kellen (1989an)
Alice Kellen
Alice Kellen (Silvia Hervás) Valentzian jaio zen, 1989an. Izugarri maite ditu katuak, artea eta liburu-dendetara egindako bisita amaiezinak. Gainera, gustuko du paperean islatzen dituen pertsonaien eta emozioen artean bizitzea.
Hamabost eleberri argitaratu ditu, besteak beste, Nosotros en la luna (2020), El mapa de los anhelos (2022), La teoría de los archipiélagos (2022) eta Donde todo brilla (2023), 2.500.000 irakurle baino gehiagoren gozamenerako. Quedará el amor da haren azken nobela.
